音樂系出路
.
上次講咗心理學嘅出路, 今次會講下讀音樂嘅出路。
我有好多大學讀音樂嘅朋友，
畢業之後會做老師、教授、教樂器、作曲編曲、玩樂團、表演等等 。
雖然我都識彈琴、敲擊、色士風、樂理
但比起我其他音樂系嘅同學仔、師兄師姐，我既音樂天份真係唔算高，因為咁，我做唔到我細個嘅志願 ~ 一個指揮家。
畢業之後我都有繼續喺香港節日管樂團玩咗十幾年， 跟著我敬重嘅指揮Carl Choi學咗好多嘢，而且成個團隊都好專業，好認真。
除咗每年喺香港表演，亦都去過世界其他地方表演，我好享受每星期練習同定期表演嘅日子。
讀音樂治療可能都係好多音樂系嘅學生其中一個夢寐以求嘅出路 。
我都有諗過讀音樂治療，但係當時剛畢業嘅我未接觸過有特殊需要嘅人士，
擔心讀完之後先發覺自己唔適合，所以畢業之後就去咗特殊學校做老師。
我雖然唔係音樂治療師, 但係有幸喺一間音樂治療中心， 做了6年part time instructor, 同埋12年 full time supervisor，加埋差不多18年 。
呢份工作做得好開心，因為真係用音樂幫到好多小朋友，有啲小朋友仲跟咗我超過10年。
但係如果大家想做音樂治療師，記得唔係淨係鍾意音樂咁簡單， 而係要真正相信音樂嘅威力，咁你先可以會啲容易做到你想要嘅效果。
教樂器都係音樂系學生畢業之後比較常見嘅工作， 因為工作時間比較彈性，收入亦都會按能力同年資去增長， 見到學生考級有好成績都好開心㗎。
所以都係一條好嘅出路，大家都可以考慮下。
