【開心分享】 「因為你愛我」(上) 有個學生自細就跟我上堂，我成日都同佢講，做錯事就要承認，唔可以講大話。 因為佢有幾次無練琴都話練咗，所以有一次我話俾佢知，我真係好嬲，跟住上堂我就扮好失望唔出聲。 佢當刻唔知點樣處理，佢唔識得道歉，但係就同我講：「你唔可以咁樣對我！」我問佢點解，佢居然話：「因為你愛我囉！」嗰一刻我真係又好嬲又好笑。 我喜歡小朋友呢份純真！ . . . #開心分享 #因為你愛我 #融合教育 #特殊學校 #行為分析 #讀寫困難 #教仔 #讀寫障礙 #自閉症 #特殊教育講座 #特殊教育培訓 #Dyslexia #Autism#SpecialEducationalNeeds #ABA #BehavioralTraining #TrainTheTrainer #SEN #MusicStimulation #ViennaHacademy

今次係職業導向嘅最後一個題目, 特殊教育。 我喺自己讀大學第二年就已經決定投身特殊教育， 決心要用音樂幫助有特殊需要嘅小朋友， 一畢業都唔理暑假期間，學校係唔係請緊人，就寄求職信去全港嘅特殊學校， 希望可以早啲有教特殊需要小朋友嘅經驗。 最後有一間中度弱智學校請我做老師。 唔同主流學校，我除咗教音樂科，仲要教數學、自理、感知等唔同嘅科目。 呢份工作一啲都唔容易，要自己好多嘅思考， 要好有耐性同愛心去幫助佢哋成長。 呢7年嘅教學我學識一眼關七，點樣設計一個對學生有幫助嘅課程，仲學識點樣同家長好好溝通。 我成日都同我中心啲同事講，音樂同SEN教學嘅技巧我點都可以教識佢哋。 但係愛心、同理心、關心同埋耐性呢啲內在值 (intrinsic value) 真係與生俱來，同埋本身家庭教育培養出來。 做特殊教育最緊要有心，我都會繼續train 更多 trainer，希望有多啲有心人可以學到用有效嘅方法去幫更多SEN小朋友，延續我哋嘅理念，去繼績用生命影響生命。 希望大家聽完呢幾個職業導向之後，都可以搵到自己鍾意嘅職業 。

#viennahacademy #幼兒教育 #DSE #畢業出路 #職業導向 https://www.youtube.com/watch?v=d71aPxIV1pA 上次講咗讀音樂嘅出路, 今次會講下幼兒教育嘅出路。 我已經畢業咗23年，無論喺特殊學校，音樂治療中心， 到自己開兒童發展訓練中心，我都一直做幼兒同特殊教育嘅工作。 我自己嘅睇法係，最幫到你職業成功嘅, 可能係中學同大學， 但係最重要嘅幾年，反而係嬰幼兒期嘅教育，即係0至6歲。 我選擇將我一生人的工作時間都投放喺幼兒教育， 因為我認為根基要打得好就係靠呢幾年嘅發展， 咁將來喺咩環境學習都會事半功倍 。 依家多咗好多地方可以讀幼兒教育，就算係中六畢業都可以慢慢讀上去，都希望可以多啲人可以一齊加入幼兒教育，唔一定係入幼稚園做老師，有心嘅人，仲有好多地方可以幫到幼兒發展。 陪住小朋友成長係一件好開心嘅事， 對我嚟講，要做自己喜愛嘅事，開心嘅事， 就係成功，我好滿意呢個職業嘅選擇。