【教學點滴】~ 感動嘅表情

近排有幾個家長嘅說話令我覺得好感動，好想分享俾大家聽。

家長A：「佢尋日第一次去髮型舖剪頭髮呀！全程都好乖！你睇剪得幾靚！」 (仔仔3歲)

家長B：「今日學校磅重，等咗10年佢終於唔超重啦！」 (仔仔10歲)

家長C：「你睇佢做運動幾可愛！媽媽眼裡面個仔做咩都可愛！」 (仔仔10歲)

家長D：「今日畢業典禮，雖然全程要個老師陪住，但係佢無喊，又肯跟住少少動作，好感動！佢張畢業相仲影得好靚，有望鏡頭同有笑到有兩個酒粒！」 (仔仔3歲)

大家可能會話咁少嘅事有咩咁感動？有咩咁特別？ 但係對好多有特殊需要嘅小朋友嘅家長嚟講，佢哋睇完就會好有同感。 因為看似簡單嘅事情，其實真係唔容易，見到自己嘅小朋友有少少進步都已經非常開心！ 所以當睇到呢幾位家長講小朋友嘅時候，佢哋滿足同愛嘅表情就令我好感動！ . . . #家長 #進步 #感動 #融合教育 #特殊學校 #行為分析 #讀寫困難 #教仔 #讀寫障礙 #自閉症 #特殊教育講座 #特殊教育培訓 #Dyslexia #Autism #SpecialEducationalNeeds #ABA #BehavioralTraining #TrainTheTrainer #SEN #MusicStimulation #ViennaHacademy