#viennahacademy #幼兒教育 #DSE #畢業出路 #職業導向 https://www.youtube.com/watch?v=d71aPxIV1pA 上次講咗讀音樂嘅出路, 今次會講下幼兒教育嘅出路。 我已經畢業咗23年，無論喺特殊學校，音樂治療中心， 到自己開兒童發展訓練中心，我都一直做幼兒同特殊教育嘅工作。 我自己嘅睇法係，最幫到你職業成功嘅, 可能係中學同大學， 但係最重要嘅幾年，反而係嬰幼兒期嘅教育，即係0至6歲。 我選擇將我一生人的工作時間都投放喺幼兒教育， 因為我認為根基要打得好就係靠呢幾年嘅發展， 咁將來喺咩環境學習都會事半功倍 。 依家多咗好多地方可以讀幼兒教育，就算係中六畢業都可以慢慢讀上去，都希望可以多啲人可以一齊加入幼兒教育，唔一定係入幼稚園做老師，有心嘅人，仲有好多地方可以幫到幼兒發展。 陪住小朋友成長係一件好開心嘅事， 對我嚟講，要做自己喜愛嘅事，開心嘅事， 就係成功，我好滿意呢個職業嘅選擇。

https://www.youtube.com/watch?v=QYlylVqmqwg&t=4s . #viennahacademy #音樂系 #DSE #畢業出路 #職業導向 上次講咗心理學嘅出路, 今次會講下讀音樂嘅出路。 我有好多大學讀音樂嘅朋友， 畢業之後會做老師、教授、教樂器、作曲編曲、玩樂團、表演等等 。 雖然我都識彈琴、敲擊、色士風、樂理 但比起我其他音樂系嘅同學仔、師兄師姐，我既音樂天份真係唔算高，因為咁，我做唔到我細個嘅志願 ~ 一個指揮家。 畢業之後我都有繼續喺香港節日管樂團玩咗十幾年， 跟著我敬重嘅指揮Carl Choi學咗好多嘢，而且成個團隊都好專業，好認真。 除咗每年喺香港表演，亦都去過世界其他地方表演，我好享受每星期練習同定期表演嘅日子。 讀音樂治療可能都係好多音樂系嘅學生其中一個夢寐以求嘅出路 。 我都有諗過讀音樂治療，但係當時剛畢業嘅我未接觸過有特殊需要嘅人士， 擔心讀完之後先發覺自己唔適合，所以畢業之後就去咗特殊學校做老師。 我雖然唔係音樂治療師, 但係有幸喺一間音樂治療中心， 做了6年part time ins

https://youtu.be/dtvhzZjST08 #viennahacademy #音樂系 #DSE #畢業出路 #職業導向 我自己好鍾意音樂，生命裡面大部分嘅時間都做同音樂教育有關嘅工作 ， 但讀書方面，最有淵源既係心理學 。 大學副修心理學，做咗嘢幾年之後再進修心理學深造文憑， 呢兩年仲讀埋心理學碩士 。 至於心理學畢業之後嘅職業選擇， 有唔少心理學系畢業學生都會投身 headhunt agency、marketing、advertising 同HR行業，我就無咩太多呢方面嘅資訊 。 亦有很多人會做臨床心理學家(CP)或者教育心理學家(EP)， 不過我都建議最好要知道自己想服務邊一類型嘅對象， 同埋攞啲相關嘅經驗先去讀，咁會易啲俾人取錄，同埋會明白得更多。 我都曾經想做教育心理學家， 但我撫心自問，我都係比較鍾意做前線， 因為真係可以直接幫助有特殊需要嘅小朋友。 睇住佢哋進步，睇住佢哋成長 呢啲滿足感同成功感，並非筆墨可以形容。

https://youtu.be/E4pjXuMGzUI #viennahacademy #應用行為分析法 #ABA #BCBA 我喺10年前開始真係真真正正學應用行為分析法(ABA) ， 我嘅老師係Dr. Jeremy Greenberg， 佢教識咗我好多ABA嘅知識，亦學到點樣可以supervise其他人。 我認為音樂加上行為治療 ， 係對有特殊學習需要嘅小朋友，幫助最多，效果最好。 最初因為我只係有學士學位, 所以2015年嘅時候只能夠考BCaBA ， 直到兩年前我先下定決心完成碩士課程，再考埋BCBA，終於成為一個註冊行為分析師 。 雖然家長搵我既時候，多數都無睇我有咩專業資格 ， 因為我已經有超過20年教SEN小朋友嘅經驗， 加上見到成果，所以家長都好信任我。 但係我自己就覺得其實真係要終生學習，增值自己， 咁先可以學到更多新嘅而又有效嘅技巧去幫小朋友、 教家長同埋培訓教職員， train the trainer，令更多人受惠 。 可能好多人都覺得Master 同BCBA 好重要， 但係其實真正重要嘅係工作態度，實戰經驗，職業素養，同埋