【開心分享】 大個仔自己搭車
【開心分享】 大個仔自己搭車
有一個學生，佢3歲我就開始教佢，而家已經21歲啦！咁多年都係爸爸接送，4個月前開始，終於可以自己由元朗搭地鐵去到上環上堂，又要轉車又要行咁多路，好叻仔！👏👍
佢平時都會早差唔多30分鐘到上環，然後一定會去永安拎宣傳單張，再上嚟上堂。但係上星期佢遲咗少少，我擔心佢就打電話俾佢，好彩佢都到咗上環，但係又講唔到點解遲到。見佢手機開咗安心出行，而因為佢去到邊都會"嘟"，我就借嚟睇下，點知發覺原來佢嚟之前去咗德福廣場，但係只係留咗3分鐘！🤔😑
跟住佢話.....「我去咗睇聖誕樹🎄！！！因為真係好靚！！！」😅😳
我忍唔住笑咗出嚟😂😂😂，不過都同佢講，咁樣會令人擔心，下次唔好啦！
雖然呢個學生已經咁大個，我仍然都好開心同佢上堂，最緊要係見到佢健康快樂咁成長！😍😎
.
.
.
