獎勵

.

有家長問，如果每次都做咗個行為就俾獎勵，咁無獎勵嘅時候佢咪會唔做？又或者每次都同講價先肯做咁點算呢？

其實開始教新嘅行為，獎勵都需要1:1，即係每做一次就獎勵一次，因為要先令佢明白做咗某一個行為就可以有佢鍾意嘅嘢，跟住最緊要嘅係，要慢慢將獎勵嘅比例拉開，例如有時做3次或者5次，先俾1次獎勵，咁小朋友唔知邊次先有，佢就會次次都做，希望今次無都下次有。

獎勵嘅多少都要有層次喎，唔可以次次都大獎 可以試下儲夠3-10個細嘅貼紙，先可以有一次大獎品等等，咁樣先可以令小朋友有動力去做好嘅行為。

有選擇都好緊要，例如問小朋友「你想寫3個字定5個字先玩遊戲？」你心目中望佢寫3個，如果佢話1個，你就要話「唔係呀，係3個定5個！」慢慢小朋友就會知道你嘅底線喺邊度。

最後一定要做嘅係，多啲喺小朋友自發做好行為嘅時候讚賞佢哋，要令佢哋自己都自我感覺良好，佢就會下次再做好俾大家睇！ . . . #獎勵 #融合教育 #特殊學校 #行為分析 #讀寫困難 #教仔 #讀寫障礙 #自閉症 #特殊教育講座 #特殊教育培訓 #Dyslexia #Autism #SpecialEducationalNeeds #ABA #BehavioralTraining #TrainTheTrainer #SEN #MusicStimulation #ViennaHacademy