【教學點滴】- 乳豬飯
有一位家長和我分享仔仔的趣事，我也想和大家分享。
媽媽帶仔仔到餐廳吃午餐。
媽媽：不如今日試下食乳豬飯呀，趣卜卜，好好食！ 仔仔：好呀！ 媽媽：咁你自己同姐姐講要一個乳豬飯。 仔仔：姐姐，唔該我想要一個乳豬飯。 餐廳姐姐：乳豬飯賣晒啦。 仔仔：(超級無敵勁大聲) 吓！無得食乳豬飯！我好sad呀！ 餐廳姐姐：(嚇親) 得得得！我幫你睇下仲有無！...... 真係無啦！ 仔仔：(超級無敵勁大聲) 無得食乳豬飯！我好sad呀！咁我要叉燒飯啦！
第二天媽媽再帶仔仔到同一餐廳吃午餐。
餐廳姐姐一見到仔仔就記起他說：今日有乳豬飯啦！ 仔仔：好開心呀！今日有得食！I feel happy！ 仔仔津津有味的吃他的乳豬飯！
這媽媽真好，因為她鼓勵小朋友嘗試不同的事物 (啟發)，又教導他表達自己的情緒 (表達)，雖然第一次沒有吃到乳豬飯，但會再製造機會給他嘗試 (耐心)。
從生活中學習是很重要的，這樣的學習來得比較自然及有效，所以家長和小朋友一起的時候盡量「少一點手機，多一點互動」，你會發現更多。
