【教學點滴】~ 「社交技巧」同「情緒管理」
- viennaha
- Apr 18, 2024
- 1 min read
上個月, 我有個自閉症學生嘅爸爸 , 上堂之前打電話俾我, 同我講仔仔嗰朝喺學校打人, 原因係因為佢想同另一個同學做朋友, 但係個同學唔理佢, 佢一時嬲起上嚟, 就一拳打落同學個心口度。
我學生爸爸托我上堂嘅時候教下佢同開解下佢, 俾佢知道現實係會被拒絕, 事情亦唔一定會跟隨佢嘅意願發生。
我學生都知錯, 上堂嘅時候都講到將來可以點處理。
雖然一方面都欣賞我學生主動交朋友, 但係另一方面又發現到, 當佢俾人拒絕唔同佢做朋友嘅時候, 原來佢係會咁唔開心、唔明白同唔接受。
「社交技巧」同「情緒管理」對於唔同人、喺唔同階段、對住唔同對象, 都係需要不斷學習嘅課題。大家都需要謹記「先處理心情, 再處理事情」呢個導理, 問題就會簡單得多啦！🫱🏻🫲🏻
.
.
.
Comments